Námsráðgjöf í Grunnskóla Vestmannaeyja

Heimasíða Helgu Tryggva, náms– og starfsfráðgjafa.

Nemendur kynna sér hin fjölbreyttustu störf.

Starfskynningar hjá 10. bekk

Nemendur í 10. bekk fá 3 daga til þess að fara í starfskynningar. Síðurstu árin hafa nemendur farið 1 dag í starfskynningu í Vestmannaeyjum fyrir áramót og 2 daga eftir áramót þar sem þeim er gefinn kostur á að fara upp á land. Nemendur skila ritgerðum eftir starfskynningar og er sú seinni mjög viðamikil.                                                                   

Nenendur skila einnig vitnisburði frá þeim sem tók við þeim í starfskynningu og er ákaflega ánægjulegt hversu vel nenendur koma fram, eru kurteisir og áhugasamir og í alla staði til fyrirmyndar.

Fyrirkomulagið er þannig að nenendur útvega sér sjálfir starfskynningu hér í Vestmannaeyjum en námsráðgjafi og kennarar á unglingastigi þegar kemur að því að fara upp á land. Nemendum er þó frjálst að redda sér sjálfir og við staðfestum.

Frá starfsfræðsludögum

í Hamarsskóla

Hamarsskóli 481-2644

Barnaskóli 481-1944

Netfang: helga@vestmannaeyjar.is

Hafðu samband:

Starfskynningar og starfsfræðsludagar

Starfsfræðsludagar hjá 8. og 9. bekk

Síðustu ár hafa nemendur í 8. og 9. bekk bæði í Hamarsskóla og Barnaskólanum tekið þátt í starfsfræðsludögum. Þá fellur hefðbundin kennsla niður í 2-3 daga. Nemendum er skipt í hópa innan árganga og tekin eru fyrir tiltekin viðfangsefni á hverju ári. T.d. hafa nemendur kynnt sér iðngreinar, verslum og viðskipti, þjónustugreinar, sjávarútveg og starfsemi Vestmannaeyjabæjar. Vinna nemenda þessa daga felst í að fara í vettvangsheimsókn, taka viðtöl og myndir og vinna þá verkefni sem er síðan kynnt fyrir öðrum nemendum í árganginum. Í lokinn eru veittar viðurkenningar fyrir besta verkefnið, það frumlegasta og besta flutningin. Fyrirtæki í bænum hafa stutt okkur dyggilega með því að taka á móti nemendum auk þess sem ýmis fyrirtæki hafa gefið verðlaun. Kynnum við viðkomandi fyrirtækjum og stofnunum bestu þakkir fyrir.