Þátttaka foreldra í heimavinnu

Námsráðgjöf í Grunnskóla Vestmannaeyja

Heimasíða Helgu Tryggva, náms– og starfsfráðgjafa.

Hafðu samband:

Hamarsskóli 481-2644

Barnaskóli 481-1944

Netfang: helga@vestmannaeyjar.is

Í stuttu máli má segja að hlutverk foreldra í heimavinnu barnanna sé að koma á föstum venjum og veita aðstoð með það í huga að stuðla að sjálfstæði í vinnubrögðum. Búa til “ramma” sem gerir heimanámið að hluta daglegs lífs. Þessi rammi er bæði aðstoð og það umhverfi veitt er til heimanáms. Eitt það mikilvægasta sem foreldrar gera er að hvetja börnin til dáða og hrósa fyrir það sem vel er gert, í stað þess að leggja áherslu á það sem miður fer. Sem dæmi má nefna barn sem er að læra að skrifa, hrósið þá fyrir þá stafi sem vel eru skrifaðir en leggið minni áherslu á hina.

Hér á eftir eru nokkur atriði sem fjalla um þátttöku foreldra í heimavinnu barna sinna. Hlutverk foreldra í náminu er að sjálfsögðu ekki eins klippt og skorið og aldursskipt eins og framsetningin gefur til kynna. Það ber að hafa í huga að enginn er eins og hér er um almenn atriði að ræða. En flestir ættu að geta fundið einhver atriði sem þeir geta nýtt sér.

1-3 bekkur.

Látið barnið vita hvenær heimavinnutíminn byrjar.

Athugið hvort allt er við hendina sem til þarf.

Lesið fyrirmæli með barninu þó það sé sjálft farið að lesa og verið viss um að það skilji þau.

Ýtið barninu af stað með því að leysa fyrsta verkefnið ef með þarf.

Hrósið vinnusemi.

4.-6 bekkur.

Fylgist með því að barnið læri á réttum tíma.

Veitið aðstoð eftir að barnið hefur reynt sjálft.

Ýtið undir sjálfstæði í vinnubrögðum.

Hrósið vinnusemi.

7. bekkur.

Barnið á að vera farið að vinna sjálfstætt, ef ekki fylgið þá reglum fyrir yngri nemendur.

Sýnið áhuga og fylgstu með.

Hrósið vinnusemi.

8-10 bekkur.

Foreldrar eru aðstoðarmenn og ráðgjafar. t.d. fara yfir verkefni, hlýða yfir, svara spurningum, ræða um námsefnið.

Fylgist með hvort unnið og hvernig.

Stuðlið að vönduðum og góðum vinnuvenjum.

Sýnið áhuga og veita hvatningu.

Þetta tekst með samstilltu átaki!