Námsráðgjöf í Grunnskóla Vestmannaeyja

Heimasíða Helgu Tryggva, náms– og starfsfráðgjafa.

Hafðu samband:

Hamarsskóli 481-2644

Barnaskóli 481-1944

Netfang: helga@vestmannaeyjar.is

Lestraraðferð

Þessi lestraraðferð er nýtileg í öllum greinum og er notuð út um allan heim á öllum skólastigum. Sumum kann að finnast fara langur tími í að nýta aðferðina, en það er bara rétt í byrjun. Þegar fólk er komið upp á lagið er það mun fljótara að tileinka sér það sem það les

 

1. Skima. Tilgangurinn með því að skima er að virkja fyrri þekkingu hjá lesandanum og fá heildarsýn á textann.

Aðferð:

· Lesa titil og reyna að átta sig á hvað hann þýðir.

· Lesa inngang, sem er oftast fyrsta til önnur setning.

· Lesa millifyrirsagnir til þess að komast að því hvað er í efninu.

· Lesa niðurstöðu, sem er yfirleitt að finna í síðustu einu eða tveimur setningunum.

 

2. Spyrja. Tilgangurinn með þessu þrepi er að lesandinn finni spurningar til þess að hugsa um og svara þegar hann les. Spurningarnar krefjast þess af lesandanum að hann finni upplýsingar sem svara þeim. Þegar er lesið til þess að finna svör við spurningum verður lesturinn virkur.

Aðferð:

setja hver, hvað, hvar, hvenær og hvers vegna fyrir framan fyrirsögn og millifyrirsagnir.

Gott er að búa til fleiri en eina spurningu við hverja fyrirsögn og millifyrirsögn.

 

4. Lesa. Tilgangur með lestrinum erð að finna svör við spurningum sem búnar voru til í þrepinu hér á undan. Það þarf ekki endilega að skrifa svörin í heilum setningum. Það er um að gera að nota skammstafanir og styttingar, en þó svo að sá sem skrifar skilji sjálfur. Með þessu er hið skrifaða svar orðið að glósum upp úr bókinn, sem gott er að nota við upprifjanir (bæði reglulegar of fyrir próf). Stundum kemur það fyrir að spurning sem búin er til passar ekki við efnið, þegar svo er þarf að breyta spurningunni til þess að hún passi efninu.

 

4. Endursegja.  Tilgangurinn með því að endursegja er að festa efnið í skammtíma minninu. Aðferð: Um leið og búið er að svara spurningu þarf að:

· Lesa spurninguna og svarið upphátt.

· Lesa spurninguna upphátt, líta af svarinu og segja það upphátt.

· Lesa spurninguna upphátt, loka augunum og segja svarið upphátt.

· Endurtaka þetta ferli þrisvar sinnum.

 

5. Upprifjun. Tilgangurinn með upprifjun er að festa upplýsingarnar í langtíma minninu. Notuð er sama aðferð og í endursögn. Munurinn er sá að upprifjun er gerð nokkru eftir lesturinn. Þ.e. í reglulegum upprifjunum, innan sólarhrings, eftir viku, eftir mánuð, eftir 3 mánuði eða fyrir próf (hvort sem kemur á undan). Auk þess að upplýsingar festast í langtímaminninu, verður auðveldara að sækja þær þangað þegar þarf. 

Önnur leið við upprifjun getur verið að rifja efnið upp næstu þrjá daga eftir að efnið var lesið.

Lestur og glósun