Námsráðgjöf í Grunnskóla Vestmannaeyja

Heimasíða Helgu Tryggva, náms– og starfsfráðgjafa.

Hafðu samband:

Hamarsskóli 481-2644

Barnaskóli 481-1944

Netfang: helga@vestmannaeyjar.is

Þegar fólk fer í ferðalag ákveður það hvert það vill fara og skipuleggur ferðina. Það mætir ekki bara út á flugvöll, eða tekur einhverja rútu og fer eitthvað eitthvern veginn. Þannig að ef við ætlum að fara frá A til B þurfum við að ákveða hvernig við ætlum að fara að því. Alveg nákvæmlega sama með markmið í námi. Þegar nemendur setja sér markmið um einkunnir þurfa þeir líka að ákveða hvað þeir ætla að gera til þess að ná þeim einkunnum. Sama á við þegar sett eru markmið um hegðun eða mætingu.

Markmiðum má skipta í:

Yfirmarkmið, lokatakmarkið (t.d. tiltekin einkunn)

Undirmarkmið:

Þær leiðir sem við setjum okkur að fara að lokatakmarkinu.

Ákveðum nákvæmlega hvaða skref við þurfum að taka.

Þess nákvæmari þess betra.

Markmið þarfnast endurskoðunar reglulega og ef illa gengur að uppfylla undirmarkmið.

 

Það er auðvelt að skjóta yfir markið við markmiðasetningu. Við klífum ekki Everest á viljnanum einum saman. Nemandi sem hefur yfirleitt fengið 4 í stærðfræði nær ekki 10 með því einu að vilja það.

Til þess að hægt sé að ná markmiðum þurfa þau að vera:

Raunhæf. Þó krefjandi og taka verður mið af aðstæðum þannig að hægt verði að ná þeim.

Sýnileg, minna okkur stöðugt á.

Nákvæm, ákveðin og skýr lýsing á lokaástandi.

Einföld. Alls ekki flækja hlutina!

Freistandi, eitthvað sem okkur langar í.

Jákvæð. Orðuð á hvetjandi hátt

 

 

Láttu þig dreyma stórt! Settu þér svo markmið í samræmi. Þannig rætast draumar.

Markmið